لحظات من عمر بشر ... لم تتأثر بعوامل البشر
فى الجونة ... كنا كل ما نمشى فى أى حتة ويقابلنا فى وشنا حد من السياح ... رجالة, ستات, مجموعة أو أفراد ... دايما كانوا يبتسموا فى وشنا ويحيونا بهزة راس بسيطة
نرد الابتسامة والتحية وكل واحد يكمل فى طريقه
كنا قاعدين فى أحد المطاعم وجه الجرسرن ياخد طلباتنا ... لقيناه بيقولنا وعلى وشه ابتسامة عريضة
كنا قاعدين فى أحد المطاعم وجه الجرسرن ياخد طلباتنا ... لقيناه بيقولنا وعلى وشه ابتسامة عريضة
قولولى مبروك الأول-
مبروك ... على ايه؟-
مراتى ولدت امبارح ... جابت حبيبه-
ما شاء الله ... ألف مبروك-
هه بأه؟ ... طلباتكم ايه؟-
عربيتى عطلت وعندى محاضرة بعد أقل من ساعة فى المهندسين
اضطريت آخد تاكسى رغم انى باحاول اتفادى سواقين التاكسى بجشعهم واستغلالهم وقلة أدبهم فى معظم الأحيان
وقفت تاكسى ... السواق رجل مريح الشكل - لا يدل على شىء ... عادة بيتحولوا شياطين متعرفش غير الشتيمة وقت دفع الأجرة - تخطى الخمسين من عمره
قال بأدب قبل ان ننطلق
تحبى نتفق على الأجرة من دلوقتى وللا خلى الرزق على الله-
(مش مشكلة ... أى حاجة (كنت الصراحة عندى استعدد ادفع أى حاجة بس ألحق المحاضرة-
أصل فى ناس تحب تتفق من الأول منعاً للمشاكل والإحراج-
قلت فى نفسى والله كويس ان جت منه ... اتفقت معاه على الأجرة وانطلقنا
ما ان وصلنا المهندسين حتى قال دون ان يتغير اسلوبه الهادىء المهذب فى الكلام
المهندسين دى مبحبش اجيها ابداً ... مدينة نصر مهما كانت زحمة بردو نقدر نستحملها عن هنا-
انا بردو مبجيهاش الا عشان الشديد القوى-
لم نتبادل كلمة بعدها لحد ما نزلنى قدام باب الأكاديمية وقال
ربنا يوفقك يا بنتى ... تحبى أعددى عليكى أرجعك؟-
لا شكرا ... هتصرف ان شاء الله-
بجد ... منغير فلوس ... مانا كده كده راجع مدينة نصر بردو-
لا والله هتصرف ... معرفش هاخلص امتى ... ربنا يكرمك-
طيب .. خللى بالك من نفسك-
كنت ماشية فى المول لوحدى وفجأة لقيت حد بيمسكنى من دراعى
اتلفت بسرعة لقيت واحدة واخدانى بالحضن وبتتكلم بالانجليزى
- Hey, how are you? i'm so glad i saw you ... i missed you
افلتتنى وأنا تحت وقع الصدمة وآخدت شوية على ما دققت فى ملامحها وعرفتها ... واحدة روسية قابلتها كام مرة مع مجموعة من صحابى مسلمين أجانب عايشين فى مصر
وقفنا ييجى 10 دقائق بنتبادل الأخبار والسلامات
مشيت وأنا مفيش جوايا غير : سبحان الله! فى ناس كده؟
السبب؟ لأنه يا حضرات الست دى أنا مقابلتهاش غير حوالى 4 مرات بس فى حياتى ... ومفتكرش حتى انى تبادلت معاها أى حوار شخصى لأكثر من دقيقتين أبداً
ولو شوفتوا فرحتها بجد انها قابلتنى واهتمامها باخلاص بمعرفة أحوالى كنتوا عرفتوا ليه بقول سبحان الله
-----------------
ليه مبقاش فى ناس تهتم بيك بجد ... تسأل عنك وتتابع أخبارك ... مش عشان بينكوا مصلحة أو معرفة أو حتى صداقة؟
ليه مفيش حد يفرح بجد اما يشوفك كانكوا صحاب قدام أوى بقالكوا كتير ماشوفتوش بعض رغم انكوا لا صحاب ولا حاجة؟
ليه مفيش حد يقابلك صدفة فياخدك بالحضن جامد وتحس لحظتها ان أسعد حاجة حصلتلوا اليوم ده هى مجرد انه شافك؟
ليه مبقاش فى حد مبيفكرش فى استغلال ظروفك لو قادر انه يستغلها؟
ليه مبقاش فى حد يعرض عليك مساعدة من غير حتى متطلبها؟
والأسوأ من كده اننا حتى لو الناس دى موجودة بجد ... بناخد وقت طويل قوى قبل مانصدق انهم موجودين ... بنقابلهم دايما بالشك والتوجس ... فبقينا عايشين 24\7 من حياتنا قلقانين وخايفين ومترقبين : با ترى الضربة الجايه هتيجى منين؟ ياترى مين اللشخص التالى اللى هيخدعنا او يستغلنا أو يضحك علينا؟
مبقناش حتى نعرف ننام بالليل من كتر الشعور العام بعدم الأمان حوالينا
ليه مبقاش فى ناس بتفرح قوى ... بتفرح بجد ... بتفرح من قلبها ... لدرجة انها بتبقى ماشية تقول لكل اللى تقابله على سبب فرحتها؟
ليه مبقاش فى حد قادر انه يعيش بوسع قلبه كله ... يملا الدنيا فرحة لفرحته ... وحتى يملا الدنيا بكى لحزنه
مبقناش نعرف نضحك ملىء قلوبنا ولا نبكى ملىء عيونا ... شوفتوش خيبة أكبر من كده؟
ليه مبقاش فى حد بيبتسم فى وش التانى؟
ليه كلنا بنمشى مكشرين وبنزغر لبعض فى الشارع بدون سبب؟
إنزل الشارع تحس ان الناس مش طايقة بعضها
كلنا ظروفنا صعبة والعيشة أسود من لون زيت طعمية عبده تلوث بشوية ... بس فيها ايه لو بس نبتسم فى وش بعض؟
يمكن نهون على بعض شوية ... الابتسامة بتدى أمل ... تشجعك انك تكمل يوم واحد كمان ... يعنى لو قابلت واحد بس مبتسم الصبح تقدر تكمل يومك ... تخيل بقى لو كل واحد ماشى فى الشارع بيبتسملك ابتسامة عريضة ... ليك أنت لوحدك ... بيتهايألى هتحس انك نجم انهاردة ... انك معندكش أى مشاكل ... كفاية ان الناس كلها بتبتسم لما تشوفك .. مين عايز تقدير لذاته أكتر من كده؟
8 comments:
MashaaAllaaah, I liked that post soooo much, it's so true, but wallahy there are still kind people like that taxi driver, sometimes you find people 3ala el fetra, these people give me hope whenever I start losing it. But I believe I just have to start by myself, at the begining the people will be, like you said, "motawagessen", then you'll be surprised with how the people react. All the best. I love you :)
babyblue...gamil awee ur post as usuall..
.
MAnerdash yekhasem el gamar el sama ...manerdash tedooos el bashar ba3daha...manerdash..
.
fi nass beykoon 3andaha kodra 3ala el ta3bir 3an masha3erhom we a7asishom be kowa we wedooo7...wel nass el tania makbooota ...heya di el 7adooota ....7adoota masreya!
sa7 ya sherio , you are right fi kol ely bet2oleeh ... bas as i told you .. search for Allah's signs .. search awyyy .. fangely 3eneek :) ... coz they are there .. ppl who spot these signs .. are the ppl who still have the strength to go on .. and give others this strength as well .. sa7 awy ya sherio wut you wrote ... and keep on searching :)
اااااااااااااه
كلامك بييجي عالجرح
و خصوصاً إني الأيام دي بأحارب علشان مافقدش أعصابي من اللي بأشوفه
ساعات الواحد في عز الضغوط و الهموم اللي عليه ما بيكونش محتاج أكتر من مجرد نظره توحي بالتفهم و التعاطف
لكن حتى دي بتكون نادره زي سواق التاكسي اللي حكيتي عنه
اه لو الناس تفهم
المسأله مش مستاهله كل الحقد و الكراهيه اللي إحنا عايشين فيها
الدنيا أتفه بكتيييير من إننا نحارب بعض علشانها
لكن لو حبينا بعض و إحترمنا بعض ساعتها هتستاهل إن إحنا نعيشها و نحبها
و ليكي مني إبتسامه مخصوص يمكن تخلي يومك أحسن
:))))))))))))))))))))))))
اعتقد ان الدنيا مش وحشة رغم اللي شايفينوا فيها
واعتقد ان في حاجات كتير كويسة تستاهل التفائل
حاجات زي اللي قولتيها واكتر
لكن يمكن علشان الحاجات الوحشة كتير شوية
فخلاص مش شايفين غيرها
لانها غطت على الكويس
الامل موجود طول ما فيه حياة
اهنيك على البوست
تحياتي
----------------------------------
ملاحظة: اللي بيقولك كده اصلا حالته منيلة من اللي شايفة
لكن مع لمحة التفائل اللي قريتها في البوست بتاعك
خليتني ارجع لتفائلي مرة تانية
اشكرك
Noha, it must really be a powerfull post that broke your usual attitude of the "silent reader" :P. Thanks
Gameel awy en el wa7ed ye7ess enno 3amal ta2theer fel mood beta3 el nas ... which emphasizes my point: law el balad kolaha mashya tebtesem fee wesh ba3d hayeb2a fee gaw 3amm mn el tafa2ol! YA RAB, Ej3al haza baladan aamenan warzok ahlaho mn el ebtesamat!
Ta7eyaty for ALL.
shosho 7abibty i love this post !
This is what i found here in Germany people who always smile in my face and others who don´t know me at all and tells HELLO whenever they meet me under the building that i live in or in the small streets beside home.
Wallahy etkasaft !!!
This attitude originally belongs to islam and muslims.
Rabena yehdina!
Post a Comment