Filter
كل انسان اتولد طفل
ابيض من جوة
فى عينيه براءة
وفى قلبه حب وخير
ولما بيكبر
بيتلون بألف لون
الشر والحقد
الحزن والمرارة
الخيانة .. الندالة
....
ساعات بحس
ان على عينى فلتر
مبيعديش غير اللون الأبيض
مابشوفش غير الطفل فى الانسان
ولو فى يوم
حد رمانى بفرشة ألوان
تلسعنى زى النار
اتنفض وابعد بعيد
واشيل الفلتر من على عنية
الألوان تعمينى
تزغللنى
تضايقنى
فألبسه تانى
ارجع اشوف كله ابيض
كله طفل
3 comments:
لو كل الناس تمتلك الفلتر ده الدنيا هتتغير كتير
احساس جميل
تحياتي
في وسط الألوان الكتير اللي بنشوفها حوالينا .. بأه لازم نلبس فلتر علشان نقدر نشوف خيط أبيض صغير في وسط زحمة الألوان
كان المفروض نلبس فلتر نشوف بيه الأسود .. لكن مابقاش محتاج فلتر علشان نشوفه .. بأينا نشوفه بالعين المجرده
و الحمد لله إن لسه فيه أبيض نشوفه و لو حتى بميكروسكوب
تحياتي
عزيزتي بيبي بلو
حسن الظن بالآخر يحمينا من الشعور بالتوحد و يزيد من طمأنينتنا ، حتى لو القيت علينا الفرشاة ألف مرة
تحياتي
Post a Comment