لماذا يكون مصير جميع العلاقات الى الفناء؟
ربما تكون كلمة "فناء" شديدة بعض الشىء
ربما هو الانزواء؟ حين تنزوى العلاقات الواحدة تلو الأخرى فى أركان مظلمة على جانبى حياتك؟
الأصدقاء يأتون ويرحلون
الحب ينمو ويذوى
حتى الأهل يتباعدون ويصيرون مجرد حقيقة أخرى من حقائق الحياة لا نتوقف أمامها كثيراً بل واحياناً نتحاشاها
*************
ومفيش حكاية بتستمر زى ما بدأت ليه على طول؟
صحيت النهاردة فى حالة غريبة ... عمرك صحيت من النوم حاسس ان لو حد قالك بس صباح الخير يبقى قليل ان ما لطشته قلمين؟
احساس بالخنقة من كل البشر بما فيهم أنا
دخلت المكتب وكان فيه واحدة زميلتى واقفة على بعد ييجى 100 متر منى لكن صوتها بياكل فى أعصابى وهى بتحكى قصة الفيلم بتاع ال ام بى سى تو ليلة امبارح
كنت حاسة انها لو مسكتتش حالا هقوم أصور قتيل فى المكتب انهاردة
احساس قمىء
**********
الأكل غلى؟ وماله
العيش مش لاقينه؟ وماله
البنزين غلى؟ وماله
الأكل غلى تانى؟ وماله
اللى قال ان الثورة تولد من رحم الأحزان ماكانش مصرى
**********
أشعر انى خلية تحتضر فى جسد ميت
