فاصل من الخواطر والمهاترات
كنت قاعدة من شوية فى أمان الله ... ماوسى ودّانى (ماوسى من الماوس بتاع الكمبيوتر يعنى) على بلوج "عايزة أتجوز"
قريت آخر بوست وياريتنى ما قريت ... بعدها دخلت فى حوار لطيف جداً مع صديقتى العزيزة اللى منتقطش كلمتين على بعض تقريباً لأنى كنت باكتب سيل من الإحباطات والكلمات المخنوقة الملخبطة
المكتئبة ال ال ال
ما علينا ... فيما يلى المختصر الغير مفيد بالمرة للحوار ده
:البداية كانت تعليقاً على الجزء ده من بوست برايد
طب نسيبنا من المرحلة دي....ندخل على المرحلة اللي بعدها...الثلاثين و ما ادراك ما الثلاثين..النظرية بتقول...لمي التعابين بأه و خلصينا..أهو راجل و السلام ..تخلفيلك عيلين تربيهم و تذاكريلهم و هو هيقضي حياته على القهوة أو الكوفي شوب أو على النت و خلاص و توتة توتة و يا دار مادخلك شر
ترد النظرية المقابلة...يعني أصوم أصوم و أفطر على فتحي؟
طب مانا كان قدامي اللي احسن منه و قلت لأوانتوا كنتوا موافقينني..طب مانا كده هاعيش بقية حياتي تعيسة ..يبقى أعيش تعيسة براحتي أتفرج على مسلسل القناة الأولى بدل ماتش الزمالك و ماحدش يسرق مني الغطا وانا نايمة بالليل ولا ياكل الفرخة كلها و يسيبلي الجناحات..والا أروح أقبل واحد يعمل فيا كل الحاجات دي لمجرد اني أشيل التهمة عن نفسي و لا انال الللقب الموعود؟
المختصر بقى بيقول اييه؟
أن زى أى بنت مصرية ... المستقبل قدامى حاجة من اتنين ... هوه فى الواقع طبقاً للعادات والتقاليد المصرية المهلبية الملوخية بالتقلية ... هو مستقبل واحد فقط لا غير ... أما الطريق التانى فهو محض افتراض ... اللى بتمشى فيه بتبقى ماشية على الأشواك زى عبده الله يرحمه
الأوبشن الأولانى: انك تقعدى فى بيت أهلك ايدك على خدك ومستنية العدل
الأوبشن التانى: انك تبتدى تخططى لحياتك زى مانتى عايزاها ... شغل اشتغلى ... علم زيادة ودوسى ... سفر سافرى
فى الأوبشن الأولانى ده بتبقى الواحدة عاملة حياتها كلها ستاند باى ... عايشة فى بيت أهلها ومستنية اليوم اللى هيبقلها فيه بيت بتاعها ومطبخ بتاعها وصالون بتاعها ...إلخ
ولو هي من النوع اللى بتشتغل بس عشان تصرف على نفسها أو تضييع وقت بدون اهتمام حقيقى بالمستقبل المهنى ... تبقى بتقول "امتى ييجى اليوم اللى اتجوز واحد يريحنى من الشغل ده بقى" .. وهكذا ... كل ركن فى حياتها هو مقدمة غير منطقية واستهلال فى بد منه لحياة مستقبلية هى فى علم الغيب ويا ابتدت - بالزواج - يا اما البنت تموت من غير متكون ابتدت الحياة دى أصلاً
أما فى الأوبشن التانى ... فمتتصوريش عزيزتى المرأة البريونية انه اسهل أو أحسن ... قوليلى ليه؟ ... نقووول ليه ... لأن حضرتك الرجل الشرقى عامة والمصرى خاصة والقاهرى بالذات - بلاش أوصل للمدينة نصرى أو الهليوبوليسى - شخصية لطيفة وظريفة ومضروب فى قلبه ونظره دفعة واحدة ... منطقه فى الحياة - وده موضوع سمعته بودانى اللى هياكلهم الدود دول من كذا واحد من الشعب اللطيف ده - أن البنت اللى ليها هدف فى الحياة ... يعنى - حسب تعريفهم المحدود للأهداف - اللى عندها شغل وومستقبل مهنى أو بتاعة علم واهتمام بالدراسة وتنمية نفسها على المستوى الشخصى/المهنى/العقلى تبقى مش بتاعة جواز ... أو مش هتاخد بالها من بيتها ... أو متطلباتها هتبقى عالية ... ما تبقى عالية يا سيدى؟ ايه مشكلتك انت؟ هيا عقد وكلاكيع وللا ايه؟ الرسول عليه الصلاة والسلام نفسه اتجوز السيدة خديجة وكانت أكثر منه فى المال والمكانة اللإجتماعية وفى السن كمان ... حضرتك أحسن منه؟ أكيد لأ ... حضرتك لو بصيت لنجاح الست على أنه الوجه الآخر لفشلها اجتماعيا/زوجيا تبقى أنت اللى عندك عقدة نقص ... معلهش احنا بنتكلم
المحصلة النهائية ... ان مشكلة الزواج فى مصر هى أكبر بكتير من مشكلة سن أو ظروف اقتصادية أو أو أو ... هى - فى وجهة نظرى المتواضعة - مشكلة عقلية ... مشكلة مبادىء ومعتقدات من كلا الطرفين ...ولاد أو بنات
طيب ... ناخد الأوبشن الأولانى ونتركن جنب الحيط لحد ما واحد ييجى ينتشلنا من حياة اللا هوية دى؟ وللا ننطلق ونعيش ونستقل بقى بحياتنا ضاربين بالمجتمع والعادات والتقاليد عرض الحائط (على فكرة ... الحاجات دى حاجة والدين حاجة تانية خااااالص ... لأن العادات والدين مبيتقبلوش فى حاجات كتير ... فممكن جدا أضرب المجتمع والتقاليد بالكوتشى ومخسرش دينى برضه ... والله باحاول) وبرضه قدامى نفس الاحتمال انى أفضل لوحدى للنهاية ... لكن على الأقل هكون عشت الحياة اللى أنا راضياها لنفسى
الشخليلة وللا اليويو؟
قريت آخر بوست وياريتنى ما قريت ... بعدها دخلت فى حوار لطيف جداً مع صديقتى العزيزة اللى منتقطش كلمتين على بعض تقريباً لأنى كنت باكتب سيل من الإحباطات والكلمات المخنوقة الملخبطة
المكتئبة ال ال ال
ما علينا ... فيما يلى المختصر الغير مفيد بالمرة للحوار ده
:البداية كانت تعليقاً على الجزء ده من بوست برايد
طب نسيبنا من المرحلة دي....ندخل على المرحلة اللي بعدها...الثلاثين و ما ادراك ما الثلاثين..النظرية بتقول...لمي التعابين بأه و خلصينا..أهو راجل و السلام ..تخلفيلك عيلين تربيهم و تذاكريلهم و هو هيقضي حياته على القهوة أو الكوفي شوب أو على النت و خلاص و توتة توتة و يا دار مادخلك شر
ترد النظرية المقابلة...يعني أصوم أصوم و أفطر على فتحي؟
طب مانا كان قدامي اللي احسن منه و قلت لأوانتوا كنتوا موافقينني..طب مانا كده هاعيش بقية حياتي تعيسة ..يبقى أعيش تعيسة براحتي أتفرج على مسلسل القناة الأولى بدل ماتش الزمالك و ماحدش يسرق مني الغطا وانا نايمة بالليل ولا ياكل الفرخة كلها و يسيبلي الجناحات..والا أروح أقبل واحد يعمل فيا كل الحاجات دي لمجرد اني أشيل التهمة عن نفسي و لا انال الللقب الموعود؟
المختصر بقى بيقول اييه؟
أن زى أى بنت مصرية ... المستقبل قدامى حاجة من اتنين ... هوه فى الواقع طبقاً للعادات والتقاليد المصرية المهلبية الملوخية بالتقلية ... هو مستقبل واحد فقط لا غير ... أما الطريق التانى فهو محض افتراض ... اللى بتمشى فيه بتبقى ماشية على الأشواك زى عبده الله يرحمه
الأوبشن الأولانى: انك تقعدى فى بيت أهلك ايدك على خدك ومستنية العدل
الأوبشن التانى: انك تبتدى تخططى لحياتك زى مانتى عايزاها ... شغل اشتغلى ... علم زيادة ودوسى ... سفر سافرى
فى الأوبشن الأولانى ده بتبقى الواحدة عاملة حياتها كلها ستاند باى ... عايشة فى بيت أهلها ومستنية اليوم اللى هيبقلها فيه بيت بتاعها ومطبخ بتاعها وصالون بتاعها ...إلخ
ولو هي من النوع اللى بتشتغل بس عشان تصرف على نفسها أو تضييع وقت بدون اهتمام حقيقى بالمستقبل المهنى ... تبقى بتقول "امتى ييجى اليوم اللى اتجوز واحد يريحنى من الشغل ده بقى" .. وهكذا ... كل ركن فى حياتها هو مقدمة غير منطقية واستهلال فى بد منه لحياة مستقبلية هى فى علم الغيب ويا ابتدت - بالزواج - يا اما البنت تموت من غير متكون ابتدت الحياة دى أصلاً
أما فى الأوبشن التانى ... فمتتصوريش عزيزتى المرأة البريونية انه اسهل أو أحسن ... قوليلى ليه؟ ... نقووول ليه ... لأن حضرتك الرجل الشرقى عامة والمصرى خاصة والقاهرى بالذات - بلاش أوصل للمدينة نصرى أو الهليوبوليسى - شخصية لطيفة وظريفة ومضروب فى قلبه ونظره دفعة واحدة ... منطقه فى الحياة - وده موضوع سمعته بودانى اللى هياكلهم الدود دول من كذا واحد من الشعب اللطيف ده - أن البنت اللى ليها هدف فى الحياة ... يعنى - حسب تعريفهم المحدود للأهداف - اللى عندها شغل وومستقبل مهنى أو بتاعة علم واهتمام بالدراسة وتنمية نفسها على المستوى الشخصى/المهنى/العقلى تبقى مش بتاعة جواز ... أو مش هتاخد بالها من بيتها ... أو متطلباتها هتبقى عالية ... ما تبقى عالية يا سيدى؟ ايه مشكلتك انت؟ هيا عقد وكلاكيع وللا ايه؟ الرسول عليه الصلاة والسلام نفسه اتجوز السيدة خديجة وكانت أكثر منه فى المال والمكانة اللإجتماعية وفى السن كمان ... حضرتك أحسن منه؟ أكيد لأ ... حضرتك لو بصيت لنجاح الست على أنه الوجه الآخر لفشلها اجتماعيا/زوجيا تبقى أنت اللى عندك عقدة نقص ... معلهش احنا بنتكلم
المحصلة النهائية ... ان مشكلة الزواج فى مصر هى أكبر بكتير من مشكلة سن أو ظروف اقتصادية أو أو أو ... هى - فى وجهة نظرى المتواضعة - مشكلة عقلية ... مشكلة مبادىء ومعتقدات من كلا الطرفين ...ولاد أو بنات
طيب ... ناخد الأوبشن الأولانى ونتركن جنب الحيط لحد ما واحد ييجى ينتشلنا من حياة اللا هوية دى؟ وللا ننطلق ونعيش ونستقل بقى بحياتنا ضاربين بالمجتمع والعادات والتقاليد عرض الحائط (على فكرة ... الحاجات دى حاجة والدين حاجة تانية خااااالص ... لأن العادات والدين مبيتقبلوش فى حاجات كتير ... فممكن جدا أضرب المجتمع والتقاليد بالكوتشى ومخسرش دينى برضه ... والله باحاول) وبرضه قدامى نفس الاحتمال انى أفضل لوحدى للنهاية ... لكن على الأقل هكون عشت الحياة اللى أنا راضياها لنفسى
الشخليلة وللا اليويو؟
8 comments:
أنا عندي كلام كتيييير في الموضوع ده .. بس هأحاول أختصر على قد ماأقدر
أنا كان رأيي زمان إن الست أحسن لها إنها ماتشتغلش و تقعد في البيت تهتم بتربية أولادها و بيتها...و الراجل هو اللي يشتغل و يصرف على البيت
لإن جزء كبير من أزمة الأخلاق اللي إحنا عايشين فيها دلوقت هو نقص في التربيه .. خصوصاً في البيت .. اللي أصبح في حاجه ماسه لأم متفرغه
لكن للأسف في ظل الأوضاع المقلوبه اللي إحنا عايشين فيها .. و صعوبة الزواج .. ده بالإضافه لأزمة الأخلاق .. و للأسف بنشوف ستات و بنات كتير بيترموا في الشارع و بيكونوا مطالبين إنهم يشتغلوا أي حاجه علشان يلاقوا لقمة العيش .. لدرجة إنها بقت تشتغل سواقة على عربية نقل
لا الدين و لا الإنسانيه يوافقوا على كده
الضعيف في الزمن اللي إحنا عايشين فيه بيضيع
علشان كده كان لازم البنت تعتمد على نفسها و تحاول تلاقي مكان في وسط المعمعه اللي إحنا فيها .. علشان مايجيش عليها يوم و تكون ضحية
أنا رأيي إن أي بنت المفروض إنها تمارس حياتها بصوره طبيعيه .. تتعلم و تشتغل و تحقق طموحاتها الخاصه .. و يكون أفضل إنها ترتقي في التعليم علشان ده بيوفر لها عمل كريم و مريح ماتتبهدلش فيه .... و بعدين مسألة الزواج ده نصيب و قدر معلوم
لو ربنا قدّر للبنت إنها تلاقي إنسان محترم يقدرها و يحترمها و يوفر لها حياة مستقره .. يكون خير
و إن ربنا ماقدّرش .. فترضى بقضاء الله .. و اهي كده كده ماشيه في طريقها اللي كانت ماشيه فيه
فيه حاجات نقدر نتحكم فيها .. و حاجات قدريه مالناش يد فيها
و الرضا بقضاء الله .. هو قمة الغنى .. بس مانفضلش قاعدين مكاننا و نستنى الرزق يجيلنا لحد عندنا
اسف للإطاله و تحياتي
dear Sameh,
makhtalafnash khales ... bas kam wa7ed fee masr beyfakkar keda?
w 7atta enta nafsak, i think ennak moktane3 bel kalam elly bet2olo da, laken at a certain time, when it comes to ur own home and marriage, el ragel el sharky gowak hayetla3, w hatla2y kalamak dah 7aga welly enta fe3lan 3aizo 7aga tania khales ... akeed mayenfa3sh a7kom 3alaik keda 100%, laken mn khelal experience i can surely tell you that 7etet el ragel el sharky dee is for real ... mesh 3eeb ... laken howa da goz2 kebeer mn el azma elly batkallem 3anha fel post ... taree2et tafkeer el ragel el sharky! (plus tafkeer el banat bardo - 3ashan mat2olsh 3alaia mota7ayeza :P)
el kalam fel mawdo3 da kteeeeer awy fe3lan ... thanks for taking the time to write all this :)
شوفي بأه، أنا بعد ما قريت التعليق بتاعك .. قررت أرد عليه بالتفصيل الممل
و فعلاً .. فضلت أكتب و أكتب لحد ما أكتشفت إني كتبت تعليق أطول من اللي كتبته فوق
فمسحته..و قلت كفايه التعليق ده
يمكن فعلاً يكون عندك حق في بعض كلامك .. و يمكن فعلاً يكون فيه عفريت لابس الرجاله عندنا إسمه الراجل الشرقي
أنا بس اللي غايظني إن أي حد يطلع في التلفزيون أو الجرايد علشان يهاجم الرجاله في مصر أو في العالم العربي لازم يقول الراجل الشرقي
أنا بدأت أحس إنها زي ما تكون شتيمه
و على فكره أنا بأفكر أرفع قضيه سب علني عالبلوج بتاعك
:)
أنا بس نفسي لما نيجي نقارن بين الراجل الشرقي و بين أي راجل من أي إتجاه .. تكون مقارنه عادله من جميع النواحي
و ألف ألف مبرووووك عالبلوج الجديد
HAPPY NEW BLOG
battefe2 m3akou enni el mawdou3 kalamoh ketiiiiiir...bas i like to comment first of all 3ala kelmet "el ragel el shar2ee" elli bgad ba2et betosta7'dam ka2ennaha sheteema...ma3a enni el 3akss howa el sa7...el ragel el shar2i argal ragel fel 3alam we beshehadet el aganeb nafsohom ( bossou 3ala el statistics beta3et el 3onf ded el mar2a...3adad el single mums...we 7agat ketir awi)BASSS LANA HONA WAQFA.
the real problem heya el tanaqod el raheeb elli bey3eeshoh el ragel el shar2i...we dah nateeget el zorouf elli howa 3ayesh fiha....kol el zorouf elli 3ayesh fiha 7atttah fe sera3 me7'aleeh sha7'seya motanaqda...3'eir manteqeya...ma3ndoush shaga3et ta3'yeer afkar baleya we mawroussa men agyal 3ashet zorouf mo7'talefa gazreyan...faqed el seqa...we mesh 3aref howa 3awez eih begad.
el banat 3andohom moshkela bardo...bas kefaya 3ahsan tawelt mesh horoub tab3an ;)
Sameh,
mawdo3 kelmet el ragel el sharky dee 3andak 7a2 feeha ... fe3lan betostakhdam ka no3 mn takleel el sha2n ... laken a7eb atkalem bas 3an ra2yee el shakhsy wa2ol enny begadd ba3taz gedan be "ba3d" gawaneb shakhseyet el ragel el shar2y da ... his protective side, ezzay beykhaf 3ala beto w merato w ekhwato - females in general - ... 7etet el "nakhwa" ... 7etet enno gada3 ... bas 7atta el 7agat dee lel asaf ebtadet tekhtafy mn el agyal el gedeeda elly tal3a dee ... leh? zorof ektesadeya w egtema3ya zai Maha ma bet2ool bardo ... el conclusion en el point mesh fee kelmet "sharqy" aw gharby ... el fekra heya tarkebet el character beta3et el nas elly 3aisha fel middle east, keda kwayes el definition da? :P
shof enta 3ayesh fen ba2a :PPPP
hehehe ... - p.s: i wanna read wut u wrote first ... kollo
Maha,
mawdo3 el tanakod da ba2a another story ... 3ayezlo a3da mesh comment wala 7atta post ... wana 3arfa kalamek dah leih ;) ... da el main topic fee a3dat el "men bashing" fee ay a3det setat delwa2ty ... hehehe
la2, seriously, ana shayfa en mawdo3 el tanakod dah moshkelt geel, zai manty ma bet2oly, et7at fee zorouf mo3ayana ... laken da mesh goz2 asasy mn el character el shar2y 3omoman ... err .. ehem ... asdy character el nas elly 3aysheen fel middle east :P
I like expression ennas elli 3aysheen fel middle east...heya still sheteema bardo laken ma 3aleina...in economics we call it MENA region. in sociology ba2a ...3ala ma azzon ma7adesh ehtaam beehom 2abl keda wala homma nafssohom. ya3ni ennas elli 3aysheen fel middle east...3aysheen ezzay???? 3eeshet ahlohom walla 3eeshet geelhom walla 3eesha mostana3a wahmeya 7'oza3baleya mafrouda 3aleihom...walla mesh 3aysheen aslan...?
I think ennena law 7ateina el mawdou3 fe ettar ennoh moshkelet geel...hana2shoh betaree2a mawdou3eya aktar...we same7 yekteb koll elli nefsoh fih men 3'eir mayemsa7 7aga
wallahy el ragel el shar2i,,,,,ragel el MENA region ,ahoh eli mawgood fel zaman
da ,,,sefatoh,,confused,demanding ,selfish,needy,depressed,tired
stubborn & traditional !!!
actually el banat 3arfin kol da we mesta7mlinhom coz da natiget zeroof egtema3eya we ektesadeya etc
banat matloob menhom yatakayafoo ma3a sefat di ..
3ashan howa confused,mesh 3arf 3ayzeha motadayena wala la2,,,,3ashan howa demanding ,,,3ayezha full option ,,3ashan selfish ,,,mesh mohem heya 3ayza eh,,,,,3ashan needy ,kol talabto lazem lazem tekoon mogaba ,,mafish tasamo7 fi ay ta2seer,,,,we 3ashan depressed testa7melo any time no matter how much it takes,,,,we 3ashan tired matnkodoosh we matetlobsh meno 7aga ,,matet3eboosh,,,,we 3ashan stubborn fa mesh 7ayetghayar ,,,,she has to accept him zai ma howa keda ,,,we 3ashan traditional fa mesh haybtaker ay 7eloool gedida ,,,zai ma agdado kano beye3melo ,,,"7afez mesh fahem"
tayeb,da kolo fi mokabel eh?? beyediha sha2a may be ,2etar egtema3i esmo zawag,khorooga masalan....
actually el banat me7tagin "AMan " mesh sha2a,,,"7emaya " mesh shakl egtema3i,,,we 7ob keteeer tab3an ghaleban beyekhlas la2eno dayman fi ashya2 okhra ...
Post a Comment