مخنوقة قوى
وحشيننى قوى
إمبارح جت على بالى
واحدة منهم
واحدة م المسافرين
مهم كلهم مسافرين
حسيت بوحشة عصرت قلبى
بعتلها رسالة قصيرة ع الموبايل
ردت برسالة فى نفس قصرها
نفس الجمود
نفس الحروف اللى عمرها ما تنقل مشاعر
نفس الحروف اللى عمرها ما هتنطق وتقول
وحشتينى ... محتاجاكى
محتاجاكوا كلكوا
عارفة ان الغربة صعبة
بس صدقونى
غربة الواحدة جوه بلدها أصعب
الواحدة فى بلد غريبة بيبقى نفسها
تشوف وش مألوف
حضن تترمى فيه ومتسبهوش أبداً
تحس بالدفا وسط الناس
لكن هنا
مش لاقية حد أتدفى فيه
الناس كلها بتتكلم عربى
بس مش لاقية حد أكلمه
افتكر لما كنا بنتجمع
يمكن مش كتير
يمكن مكناش بنتكلم
يمكن حتى مكناش نعرف بعض قوى
بس كانت اللمة
كنت عايشة بيها وفيها
كانت بتغطينى فى عز برد الوحدة
كانت بتخلينى أتنفس
دلوقتى مش لاقية هوا
مخنوقة قوى
وحشيننى قوى
وحشيننى قوى
إمبارح جت على بالى
واحدة منهم
واحدة م المسافرين
مهم كلهم مسافرين
حسيت بوحشة عصرت قلبى
بعتلها رسالة قصيرة ع الموبايل
ردت برسالة فى نفس قصرها
نفس الجمود
نفس الحروف اللى عمرها ما تنقل مشاعر
نفس الحروف اللى عمرها ما هتنطق وتقول
وحشتينى ... محتاجاكى
محتاجاكوا كلكوا
عارفة ان الغربة صعبة
بس صدقونى
غربة الواحدة جوه بلدها أصعب
الواحدة فى بلد غريبة بيبقى نفسها
تشوف وش مألوف
حضن تترمى فيه ومتسبهوش أبداً
تحس بالدفا وسط الناس
لكن هنا
مش لاقية حد أتدفى فيه
الناس كلها بتتكلم عربى
بس مش لاقية حد أكلمه
افتكر لما كنا بنتجمع
يمكن مش كتير
يمكن مكناش بنتكلم
يمكن حتى مكناش نعرف بعض قوى
بس كانت اللمة
كنت عايشة بيها وفيها
كانت بتغطينى فى عز برد الوحدة
كانت بتخلينى أتنفس
دلوقتى مش لاقية هوا
مخنوقة قوى
وحشيننى قوى
2 comments:
إنتى كمان وحشتينى
إحنا صحيح فين من زمان
let's arrange a meeting
السلام عليكم ...
أولاً أنا معجب جداً بأسلوب تفكيرك و كتابتك .. و حاسس إنه قريب جداً مني.. و بيمس جزء كبير من حياتي.
و عايز أقولك إنك عندك حق في كلامك عن الغربة.
أنا دلوقتي عايش في بلد في الخليج و حاسس بالغربة لكن أؤكد لك إن الغربة اللي كنت حاسس بيها قبل ما أسافر كانت أصعب و أشد .
و يمكن كانت هي السبب الرئيسي فقرار سفري
تحياتي ليكي
Post a Comment