رجال من المريخ ونساء من الزهرة
بعد ما قريت كتاب رجال من المريخ ونساء من الزهرة اللى أصبح بجد المعجم الوجيز فى فن التجويز (من الجواز يعنى) والوصفة السهلة لتصليح أى جوازة فاشلة واللى بيفترض ان كل الرجالة كانوا عايشين فى انسجام تام على كوكب المريخ وكل الستات كانوا عايشين فى وئام تام بردو على كوكب الزهرة ومتفهمش ايه اللى خللاهم يتخبطوا فى نافوخهم هما الجوز - الشعبين الرجالى والنسائى يعنى - ويقرروا انهم يهجروا هما الاتنين ويعيشوا مع بعض على كوكب الأرض
وبعدين يقعد عمنا جون جراى يصدع نفوخنا - سواء رجالة أو ستات - طوال حوالى 200 صفحة هى حجم الكتاب بيحاول يفهم الأخوة الرجالة واحنا معشر الستات ازاى نتعامل مع بعض ... محسبتكو بقى ... بعد صداع ال 200 صفحة وتمئيئ العينين فى ورق اللحمة اللى مطبوع عليه الكتاب أبو 80 جنيه .. خدتلى قرصين أسبرين وقلت فى عقل بالى: طب وليه القرف ووجع الدماغ من الأول ... لما كل شعب كان عايش فى وئام وانسجام وواخد راحتو ع الآخر فى كوكبه طب ما كل واحد يلم عزالوا ويرجع بلدهم, قصدى كوكبهم, من قاصرها ويا دار ما دخلك شر وكفى الله المتزوجين شر الكتاب ... قصدى القتال
وبعدين يقعد عمنا جون جراى يصدع نفوخنا - سواء رجالة أو ستات - طوال حوالى 200 صفحة هى حجم الكتاب بيحاول يفهم الأخوة الرجالة واحنا معشر الستات ازاى نتعامل مع بعض ... محسبتكو بقى ... بعد صداع ال 200 صفحة وتمئيئ العينين فى ورق اللحمة اللى مطبوع عليه الكتاب أبو 80 جنيه .. خدتلى قرصين أسبرين وقلت فى عقل بالى: طب وليه القرف ووجع الدماغ من الأول ... لما كل شعب كان عايش فى وئام وانسجام وواخد راحتو ع الآخر فى كوكبه طب ما كل واحد يلم عزالوا ويرجع بلدهم, قصدى كوكبهم, من قاصرها ويا دار ما دخلك شر وكفى الله المتزوجين شر الكتاب ... قصدى القتال
1 comment:
Post a Comment