نعم و24 نعم
بعد انتهاء هوجة الانتخابت الرئاسية تتبعها البرلمانية ... وبعد ان انتهت الأولى بنتيجة توقعها أغلبية الشعب المصرى - شاء أم أبى ... نظرت الى أربعة وعشرين سنة مضت ... رغم ان عمرى كله تلاتة وعشرين ... أى اننى وبلا فخر من نسبة ال 48% من الشعب المصرى اللذين لم يعاصروا رئيس غير مبارك ... والتى ستبلغ 50% عند انتهاء فترته الرئاسية القادمة 2011 وعليكم خير ... وقلت فى عقل بالى ... هوه الناس دى عبيطة وللا هبلة وللا شكلها كده؟
ريسنا بقاله فى الحكم أربعة وعشرين سنة ... باختيااااااارررر شعبه ... كل ست سنوات من الأربعة وعشرين سنة بتقولّه نعم
بعد أربعة وعشرين سنة انهيار اقتصادى وديون متلتلة وشحاتة ومعونة من اللى يسوى واللى ميسواش بنقولّه نعم
بعد أربعة وعشرين سنة بطالة وشباب بيضيع كل يوم بنقولّه نعم
بعد أربعة وعشرين سنة فساد وزارى ورشاوى وفضايح بنقولّه نعم
بعد أربعة وعشرين سنة انهيار أخلاقى وثقافى ومكتبة أسرة وفضائيات وفيديو كليبات بنقولّه نعم
بعد أربعة وعشرين سنة أزمة إسكان وعشوائيات بنقولّه نعم
بعد أربعة وعشرين سنة تعليم فاسد وتاريخ مزور ومناهج مهترئة بنقولّه نعم
بعد أربعة وعشرين سنة صناعة مضروبة وزراعة مجروفة وتجارة كاسدة وتصدير يدنو من الصفر بنقولّه نعم
بعد أربعة وعشرين سنة برلمان نصه غايب ونصه نايم بنقولّه نعم
بعد أربعة وعشرين سنة تهرب ضريبى وقروض مشبوهة وتهريب أموال للخارج بنقولّه نعم
بعد أربعة وعشرين سنة واسطة ومحسوبية وتفتيح مخ بنقولّه نعم
بعد أربعة وعشرين سنة وعود وهمية وجعجعات هوائية وأحلام وردية بنقولّه نعم
ودلوقتى قولولى ... احنا شعب عبيط ولا أهبل وللا شكله كده؟
Note: photo from http://ana-elmasry.blogspot.com/
1 comment:
this is a sha3b (((( Ebn Ahba ))))
nestahel keda waktar kaman
Post a Comment